Տաքսի 4 (2007)

Մարսելի ոստիկանության բաժանմունք են բերում աշխարհի ամենավտանգավոր հանցագործին՝ բելգիացի Ալբեր վան դեն Բոշին, որին ոստիկանները պիտի հսկեն ընդամենը 13 ժամ։ Հանրահայտ ահաբեկիչը տեղավորված էր հատուկ վանդակում և կրում էր հատուկ համազգեստ։ Ժիբերի բացակայության ընթացքում բելգիացուն հաջողվում է խաբել Էմիլյենին ու Ալենին. բելգիացին պնդում է, որ ինքը Բելգիայի դեսպանատան աշխատակից է, վան դեն Բոշի հանցակիցներն իրեն բռնել են ու ներկայացրել որպես ահաբեկիչ։ Ոստիկանության տեսուչները ազատում են բելգիացուն, իսկ Դանիիլը նրան տաքսով տեղ է հասցնում։ Էմիլյենին ազատում են աշխատանքից, սակայն նա Դանիիլի հետ շարունակում է հետևել փախած հանցագործին։